1602. Уцёкі да Волі Гарадной

Юрей Збаразский (1573-1631),
пінскі стараста (1590-1631)

   Улетку 1602 года з сёл маёнтка Купятычы Пінскага павету «ўцякае» (відавочна з блаславення пінскага старасты) 5 сямей рамеснікаў з усім нажытым рухомым скарбам. Чатыры сям’і з Гарадышча, Высокага, Пінкавіч – гэта шаўцы (чабатары), якія купілі дамы ў Пінску і пераехалі туды жыць. Пятая сям’я – краўца Тамілы Стэньковіча з Высокага – уцякае да мястэчка Гарадной. Праз Пінскі земскі суд уладальнік Купятычаў берасцейскі кашталян Рыгор Война намагаецца вярнуць гэтых людзей на месца, чаму працівіцца пінскі стараста Юры Збаражскі, які відавочна зацікаўлены ў развіцці рамяства ў вольных гарадах. Адметна, што ў сваім лісце вялікі князь літоўскі і кароль польскі Жыгімонт Ваза

нагадвае пра грашовыя штрафы і неаднаразова рэкамендуе як найхутчэй разгледзець судовую справу і дзейнічаць пры вяртанні падданых у рамках «паспалітага права», што паказвае: аўтарытэт закону і судоў для нашых продкаў быў хіба вышэйшы, чым у сучаснай Беларусі. А з іншага боку пінскі стараста фактычна ігнараваў судовыя позвы ад берасцейскага кашталяна, што той мусіў паклікаць на дапамогу караля.

Унікальны дакумент захоўваецца ў Гарадзенскім гісторыка-археалагічным музеі. Гэта адно з нешматлікіх ускосных сведчанняў пра Гарадную таго часу, якія захаваліся да нашага часу. З дакумента становіцца ясна, адкуль так трывала замацаваўся жаночы род назвы мястэчка –казалі і пісалі: мястэчка (места) Гарадная, а не Гарадное, як мусіла б спалучацца з ніякім родам слоў «места» і «мястэчка». Багата Волек (Вулек), Воляў захавалася ў назвах паселішчаў да нашага часу ці не ў кожным раёне Беларусі. Часам іх называюць Вулька 1-я, 2-я як у Лунінецкім раёне, напрыклад. Так называліся пасяленні вольных людзей, якія не належалі ніякаму пану. І мястэчка на месцы больш старажытнага заняпалага горада Гародна было ў 1592 годзе адноўленае як Воля Гарадная. З часам першая частка адпала, а назва «Гарадная» («Городна» по-городэнську) паспяхова перажыла ўсе спробы афіцыйных улад Расіі і Польшчы вярнуць больш старажытныя «Городно» і «Horodno», хоць апошнія варыянты маюць сваю гістарычную вартасць. Мова дакумента такая, што «городэнэц» лёгка яе будзе чытаць і разумець – гэта і ёсць мова нашых дзядоў, якая тады была Вялікаю Моваю Вялікае Дзяржавы і нікому ў галаву не прыходзіла яе саромецца. Каб паказаць, што мова Гарадной – гэта фактычна дзяржаўная літоўская 16-17 ст., я змясціў у правай калонцы арыгінальны тэкст, а ў левай сваю адаптацыю да гарадэнскае гаворкі. З арыгіналу я не перакладаў вельмі частае слова «дей», што па-старалітоўску азначала «нібы», «быццам» і выглядае як слова-паразіт. «Збег» азначае ўцекача. Лашчаць слых такія забытыя імёны продкаў як Таміла, Ждан, Лец (гл. тут), Ганіца (Ганна), Малаша (Мелання), Аўдоцця (Еўдакія), Прасімка (Ефрасіння). «Просімка» або «Просымія» ўжывалася ў гарадэнскіх метрыках яшчэ ў 19 ст.

По-городэнську

По-літовську (старобелоруську)

…До того шче жаловавса пан берэстэйські каштэлян Грыгорэй Война про тэе, шчо п’яты подданы ёго пана берэстэйського з того ж вішейменёного сэла Вісокого до ймення ёго Куп’ятычі прыслухаючого на ім’я Томіло Стэньковіч, кравец з жонкою своею Марыною, із дэтьмі своімі, дочкою Овдоттёю, а сынамі Ондрэйцом і Хведцом Томіловічамі зо всэю маёмостю своею рухомою, шчо ано у сэбе мав, забравші з того сэла Вісокого в сём же року тэпер ідучом од народення Сына Божого 1602 месяца юня з 7-го на 8-ы дэнь уноче прэч утёк на Волю нашу, называную до местэчка Городноі, до замку Пінського прыслухаючого, зайшов і там, осэлость собе прынявші, прожівае. Которого маёмості, як мае про гэто пан берэстэйські певную ведомость од брата того утэкача свого, гінчіх подданых своіх, шчо вун з собою забрав і до того местэчка Городноі перэв’ёз: грошей готовіх 50 коп літовськоі лічбы, конэй 3 робочіх, волэй 4, коровей з тэлюкамі 4, овечок 10, гусэй п’ятнаццатэро; а збожжа молотёного жіта бочок 10, овса бочок 5, ячменю бочок 3, грэчкі бочок 5. А одэжі всякоі: сукенок музькіх і жоноцкіх, сэрмягов і простын, полотён курленых і зрэбных, сорочок і гінчіх хусток, таксамо стравных рэчей: меду, масла, мняса – усёго того за 100 коп грошей літовськоі лічбы. І з тым усім той подданы кравец ёго, пана берэстэйського, тое ноче вышпоменёноі, з того сэла Вісокого од ёго, пана свого, прэч пойшов і зо всім тым, на поменёной Волі Городной осэлость прынявші, прожівае, до нэмалоі крывды і шкоды ёго, пана берэстэйського…

…К тому еще жаловал пан е. м. пан берестейский [каштелян Григорей Война] о том или дей пяты подданы его дей п[а]на берестейского с того ж дей вышеймененого с. Высокого до имения его Купетичи прислухаючого на имя Томило Стенкович, кравчик з жоною дей своею Мариною, из детми своими, дочкою Овдотьею, а сынами дей Андрейцем и Федцем Томиловичами зо всею маетностю дей своею рухомою, што одно дей у себе мел, забравшы с дей с того с. Высокого в сем же дей року теперь идучом от нароженя Сына Божего 1602 м[еся]ца июня з 7-го дня на 8-й день уночи проч утекл на Волю дей нашу, называемую до мест. Городное ку замку Пинскому прислухаючого зашол и там дей оселость собе принявши мешкает. Которого маетности, яко мает того пан берестейский певную ведомость от брата того збега своего, других подданых своих, што он дей з собою забрал и до того мест. Городное упровадил: грошей готовых 50 коп литовское личбы, коней 3 рабочих, волов 4, коров с теляты 4, овец 10, гусей пятеронадцатеро; а збожя молочоного жита бочок 10, овса бочок 5, ячменю бочок 3, грэчки бочок 5. А  одежи дей всякое: сукен музских и женоцких, сермягов и простиц, полотен, курленых и зребных, сорочек и инших хуст, так же дей стравных речей: меду, масла, мяса — усяго дей того за 100 коп гр. литовское личбы. И с тым дей усим тот подданый кравчик его, п[а]на берестейского, тое ночи вышпомененое с того дей с его Высокого от его, п[а]на своего, проч ушел и зо всим тым на помененой Воли Городной оселост дей принявши мешкает ку не малой кривде и шкоде его, п[а]на берестейского…

1602 г. жніўня 15.— Ліст караля Жыгімонта III пінскаму старасту пра ўцёкі падданых з маёнтка Войны

Жыкгимонт III ... [Тытул].

Старосте нашому пинскому, урожоному княжати Юрю Янушевичу Корибутовича Збаразскому, воеводичу брацлавскому, старостичу кременецкому жаловал суду нашого земского пинского е. м. пан Григорей Война, каштелян берестейский, о том, што ж дей подданые его, пана берестейского, отчизные праву вечному подлеглые до йменя его Купетицкого, у пов. Пинском лежачом, з давных часов прислухаючие и належачие з розных сел е. м. с продков своих мешкаючые чотыри чоловеки, меновите дей з с. его Городища Роман Дудич, а з с. его Высокого Лец Грицкович Маневич, чоботар з с. Пинкович Ждан Трушевич, чоботар другий с того ж дей с. Пинкович Улас Трушевич, маючи под е. м. паном своим оселост свою на кгрунтах его в тых дей селах вышей помененых кождый свою отчизну, на которых и продки их мешкали, и е. м. пану берестейскому, пану своему, яко перед тым дей продки их также и они сами з давных часов служили, то пак дей тые все помененые подданые его, пана берестейского, служачи ему, пану своему, с тых оселость своих отчизных за помощи ся и маючи дей у себе много маетностей своих рухомых, грошей готовых и иншых речей, кождый дей з них розными часы у месте нашом Пинском накупили дей собе домов, дворов, огородов и немало кгрунтов в том дей месте Пинском будучих полоремых при месте Пинском лежачих и держачи дей в месте Пинском тые подданые его, пана берестейского, такие от маетность свое однак, же дей с тых оселостей своих отчизны своее кождый з них з отчины своее, которые дей в тых селах его, пана берестейского, вышей мененых мели, яко тем и с тых дей маетностей своих набытых при месте а в месте Пинском будучих ему дей, пану своему, завжды служили и всякую дей повинность свою што ему, пану своему, они сами и продки их повинни были, то выполняли.

То пак дей вже в сем року тепер идучом от нароженя Сына Божего 1602 м[еся]ца июня с 5-го дня на 6-й день у ночи тые дей подданые е. м. вси вышей помененые сами з жонами и з детми дей своими забравши дей з собою кождый з них всю маетность свою рухомую, гроши готовые, кони, быдло, одэжу, всякие иншие дей маетности свое рухомые, все от мала до велика, што у кого одной дей было тое ночи вышпомененой, з собою побравши, с тых сел дей его п[а]на берестейского выш помененых з домов дей своих проч утекли до места нашого Пинского, до тых дей домов своих в месте Пинском будучих упровадили.

А то дей ест меновите: первый чоловек Роман Дудич з с. Городища з жоною своею Ганицею, а з двема дей сынами Андрейцем а Иванцем и з дочкою дей Малашою, а маетности дей у него было которую з собою побрал, яко того дей мает ведомост пан берестейский от других подданых своих брати того збега грошей готовых коп 100, а одежи дей всякое сукен, сермяг, кожухов, полотен и речей дей стравных всякого домовства за 100 коп гр. литовское личбы. А коней дей рабочих осмеро, волов доморослых 6, коров с теляты 5, гусей 24, а особливе дей у того подданого маетность его рухомое и лежачое, которую первей того еще мешкаючи дей в помененом с. Городищу до места Пинского упровадил, ку месте дей Пинском ее мает усего на 200 коп гр. минует.

А другий дей чоловек подданый е. м. пана берестейского з села его Высокого выш мененый Леца Грицкович, чоботар, з жоною своею Катериною из детми дей своими, сыном Грицком, а дочкою дей своею Марушою), а маетности дей у него было, которую он за собою побрал, яко мает ведомост пан берестейский од других подданых своих брати того Леца у волости своей мешкаючих грошей дей готовых 300 коп гр. литовское личбы, а адежы их всякое сукен, кожухов, сермяг, кошуль и всяких полотен и иншого з домовства дей за 100 коп гр. литовское личбы, коней рабочих 3, волов доморослых 6, коров с теляты дей 4, збожа змолочоного жита дей бочок 50, гречки дей бочок 30, ячменю бочок дей 10, овса дей бочок, а асобливе дей тое маетности того Леца чоботара, которую он первей дей до места Пинского упровадил, ку мест Пинском кгрунтов дворов накупив усего менуют на 400 коп гр. литовских.

Третий человек выш мененый збег его, пана берестейского, з с. Пинкович Ждан Трохимович чоботар з жоною своею Овдотьею, сын у него один Данилец, а дочок 2 Ульяница, а... маетности дей у него было, которую он дей з собою забрал, яко брат его о том справу дали грошей дей готовых коп 180, а одежи дей его всякое, сукен, сермяг, кожухов, кошуль и полотен и всякого дей домовства рэчэй рухомых за 100 коп гр. литовское личбы, коней 2, волов дей 4, коров 2, збожа: жита молочоного бочок 10, ячменю бочок 5, грэчки бочок 5, а особно дей тое маетности, которую дей он первей у место Пинское с того дому свозил з с. Пинковичу провадил менует на 200 коп гр. литовских.

Четвертый дей человек вышпомененый подданый е. м. п[а]на берестейского с тогож дей с. его Пинковицкого Улас Трушевич з жоною своею Любкою, з дочками двема, Наталкою и Просимкою, а з сыном дей своим Степанцем. А маетности дей его было у него, которую он з собою забрал як того братя его справу дали грошей готовых 60 коп, а одежи дей всяко — сукен, кожухов и сермяг, кошуль, полотен и инших рэчэй рухомых за 80 коп гр. литовское личбы; коней 3, волов 2, коров с теляты 3, збожя дей: жита бочок 15, ярицы бочок 3, ячменю бочок 2, грэчки бочок 5, и с тым дей усим якось вышэй поменило тые вси подданыи его, п[а]на берестейского, тое дей ночи вышпомененое року теперешнего 1602-го м[еся]ца июня с 5-го дня на 6 день у ночи с тых сел дей его вышеймененых з домов своих од его п[а]на на берестейского, п[а]на своего отчизного, проч утекли и с тым усим дей до места нашого Пинского до домов своих вышеймененых упроводили и с тыми дей усими маетностями своими под послушенство и властность враду вашого замку Пинского поддали и тепер дей мешкают, а ему, пану берестейскому, пану своему, вже служити и ниякое повинности чинить дей не хочут.

К тому еще жаловал пан в. м. пан берестейский о том или дей пяты подданы его дей п[а]на берестейского с того ж дей вышеймененого с. Высокого до имения его Купетичи прислухаючого на имя Томило Стенкович, кравчик з жоною дей своею Мариною, из детми своими, дочкою Овдотьею, а сынами дей Андрейцем и Федцем Томиловичами за всею маетностю дей своею рухомою, што одно дей у себе мел, забравшы с дей с того с. Высокого в сем же дей року теперь идучом от нароженя Сына Божего 1602 м[еся]ца июня з 7-го дня на 8-й день уночи проч утекл на волю дей нашу, называемую до мест. Городное ку замку Пинскому прислухаючого зашол и там дей оселость собе принявши мешкает. Которого маетности, яко мает того пан берестейский певную ведомость от брата того збега своего, других подданых своих, што он дей з собою забрал и до того мест. Городное упровадил: грошей готовых 50 коп литовское личбы, коней 3 рабочих, волов 4, коров с теляты 4, овец 10, гусей пятеронадцатеро; а збожя молочоного жита бочок 10, овса бочок 5, ячменю бочок 3, грэчки бочок 5.А  одежи дей всякое: сукен музских и женоцких, сермягов и простиц, полотен, курленых и зребных, сорочек и инших хуст, так же дей стравных речей: меду, масла, мяса — усяго дей того за 100 коп гр. литовское личбы.

И с тым дей усим тот подданый кравчик его, п[а]на берестейского, тое ночи вышпомененое с того дей с его Высокого от его, п[а]на своего, проч ушел и зо всим тым на помененой воли Городной оселост дей принявши мешкает ку не малой кривде и шкоде его, п[а]на берестейского.

Якож дей его пан берестейский заховуючисе в том ведле науки права посполитого в той кривде своей, взявши лист, упоминал тый урадовый от суду нашого земского пов. Пинского о вчинене справедливости с тых збегов подданых своих до твое милости, княже староста пинский, писаный, тебе, княже староста пинский, тым дей листом упоминалным, ведле права посполитого обносил и от положеня дей того листу упоминалного у замку Пинском на року ведле права посполитого у 4 неделях через умоцованого своего тое справы пилновал нижли дей твоя милост, княже староста пинский, на том року за листом упоминалным сам у замку Пинском набыл и с тых збегов п[а]на берестейского сам твоя м[и]л[о]ст и ни через кого иного справедливости ему, пану берестейскому, не вчинил и тых збегов е. м. п[а]ну берестейскому дей не выдал ку ни малой крывде и шкоде его, зачим дей твоя милост у вину статутовую рубль гр. платити попал.

В который то кривде своей о тые подданые збеги свое жоны, дети и маетности их так же им вину помененую хотечи собе пан берестейский правне справедливости доводити твою милост, княже староста пинский, сим листом позвом нашым земским пинским до суду нашого земского пинского позывает и о всем том с тобою очевисто управы мовети хочет. Про то приказуем твоей милости, княже Юрей Збаражский, староста пинский, же бы еси за сим листом позвом нашым земским пов. Пинского па роки судовые земские пинские, которые в року теперь идучом от нароженя Сына Божего 1602 на день св. Михаила римского свята припадут и назавтрое того свята судитися почнут перед судом нашим земским пинским у Пинску яко на року завитом сам ку правде стал и тых всих вышеймененых подданых збегов п[а]на берестейского самых з жонами и детми их у право поставил. А за неучинене справедливости с тых збегов на року за листом упоминалным невступаючи в право первей вину статутовую рубль грошей ему, пану берестейскому, заплатил, а заплативши вину рубль гр. во всем на жалобу е. м. п[а]на берестейского ведле сего позву пану берестейскому очевисто усправедливил.

Писан у Пинску лета Божого нароженья 1602 м[еся]ца августа 15 дня.

Писарь земский пинский (подпіс неразборлівы).

Гарадзенскі гісторыка-археалагічны музей, ф. 9216, арк. 1—2. Арыгінал.

Падрыхтаваў Валер Кісель